مکو آ نہ (این این آئی)رنگوں اور خوشیوں کے تہوار بسنت کے موقع پر مزیدار پکوانوں کے لیے چکن، مٹن اور بیف کی خریداری عام شہری کے بجٹ سے باہر ہو گئی

حکومت نے چکن کی کنٹرول قیمت 526 روپے فی کلو مقرر کی ہے لیکن بسنت کے دنوں میں مارکیٹ میں چکن، مٹن اور بیف کی قیمتیں مکمل طور پر قابو سے باہر ہو گئی ہیں۔شہریوں کے مطابق قصاب کی دکانوں اور سپر اسٹورز پر مٹن 2800 سے 3200 روپے فی کلو اور گائے کا گوشت 1200 سے 1400 روپے فی کلو فروخت ہو رہا ہے جو عام خریدار کی پہنچ سے باہر ہے۔ سپر سٹورز پر ڈی سی کے کاؤنٹر پر غیر معیاری مٹن، پھل اور سبزیاں بھی رکھی جا رہی ہیں جس کی وجہ سے معیار اور قیمت دونوں کے حوالے سے عوام میں شدید عدم اطمینان پایا جا رہا ہیشہریوں نے ڈی سی فیصل آباد اور حکومت پنجاب سے پرزور مطالبہ کیا ہے کہ مٹن اور بیف کی بڑھتی ہوئی قیمتوں کو کنٹرول کیا جائے اور عوام کو معیاری گوشت مناسب نرخوں پر فراہم کرنے کے لیے اقدامات کیے جائیں شہریوں کا کہنا ہے کہ بسنت کے موقع پر نہ صرف پتنگیں اور ڈوریں مہنگی ہو گئی ہیں بلکہ روزمرہ کی اشیائے خوردونوش بھی مہنگائی کا شکار ہیں جس سے تہوار کی خوشیاں بھی متاثر ہو رہی ہیں

حکومتی اقدامات کے بغیر مارکیٹ میں غیر معیاری اور مہنگی اشیاء کا کاروبار مزید بڑھ سکتا ہے اس لیے فوری ریلیف اور قیمتوں کو کنٹرول کرنے کی ضرورت ہے تاکہ عوام بسنت کا تہوار خوشی اور آسانی سے منا سکیں