لاہور (این این آئی) اوگرا نے ایل پی جی کی قیمت میں 6روپے 37پیسے فی کلو اضافہ کر دیا ۔ قیمتوں میں اضافے کے بعد گھریلو ایل پی جی سلنڈر 75روپے 21پیسے مہنگا ہو گیا ۔
اوگرا کے جاری کردہ نوٹیفکیشن کے مطابق فروری کے لیے گھریلو ایل پی جی سلنڈر کی قیمت 2667روپے 40پیسے مقرر کر دی گئی ہے جبکہ جنوری میں گھریلو سلنڈر کی قیمت 2592روپے 19 پیسے تھی۔اسی طرح فروری کے لیے ایل پی جی کی فی کلو قیمت 226روپے مقرر کی گئی ہے جبکہ جنوری میں ایل پی جی فی کلو 219 روپے 67 پیسے میں دستیاب تھی۔قیمتوں میں اضافے سے صارفین کو مزید مہنگائی کا سامنا کرنا پڑے گا۔
