اسلام آباد (این این آئی)اوگرا نے جنوری کے مہینے کیلئے ایل این جی کی قیمتوں میں کمی کا اعلان کرتے ہوئے نوٹیفکیشن جاری کر دیا ۔نوٹیفکیشن کے مطابق سوئی نادرن گیس کمپنی کیلئے ایل این جی کی قیمت میں فی ایم ایم بی ٹی یو 54سینٹ کمی کی گئی ہے، جس کے بعد نئی قیمت 11.27 ڈالر فی ایم ایم بی ٹی یو مقرر کر دی گئی ہے۔

اسی طرح سوئی سدرن گیس کمپنی کے لیے ایل این جی کی قیمت میں 57 سینٹ فی ایم ایم بی ٹی یو کمی کی گئی ہے، جس کے بعد نئی قیمت 10.21 ڈالر فی ایم ایم بی ٹی یو طے کی گئی ہے۔اوگرا کے مطابق ایل این جی کی نئی قیمتوں کا اطلاق یکم جنوری سے ہوگا۔ حکام کا کہنا ہے کہ قیمتوں میں کمی سے صارفین پر پڑنے والا بوجھ کم ہونے کی توقع ہے۔