لاہور (این این آئی) وزیر اعلی پنجاب کی ہدایت پر کم آمدن افراد کیلئے گھروں کی فراہمی کے ایک اور منصوبے کا آغاز کردیا گیا جس کے تحت اڑھائی سے 3مرلہ سرکاری اراضی پر 37ہزار سے زائد گھروں کی تعمیر ممکن ہوگی۔وزیر ہائوسنگ بلال یاسین کو پنجاب افورڈایبل ہاسنگ کے پراجیک ڈائریکٹر عمران علی سلطان نے بریفنگ میں بتایا کہ ورلڈ بینک کے اشتراک سے پنجاب میں 25اضلاع کے 35مقامات پر گھروں کی تعمیر کا آغاز ہوگا جن میں لاہور، گوجرانوالہ، فیصل آباد، ملتان، سیالکوٹ، لیہ ، خانیوال سمیت 25اضلاع شامل ہیں۔
وزیر ہائوسنگ پنجاب بلال یاسین کے مطابق سرکاری اراضی پر اگلے 3ماہ میں پرائیویٹ سیکٹر کے تعاون سے تعمیراتی کاموں کا آغاز ہوگا۔ مستحق خاندانوں کو اپنے گھروں کی فراہمی وزیر اعلی پنجاب مریم نواز کی اولین ترجیحات میں ہے۔ انہوں نے کہا کہ 5سال کی مدت میں اپنی چھت اپنا گھر پروگرام بھی 5لاکھ سے زائد خاندانوں کے گھر مکمل کرے گا، افورڈایبل ہائوسنگ پراجیکٹ میں کم سے کم اقساط کی رقم کا تعین کیا جائے گا۔
