اسلام آباد (نیوز ڈیسک) عالمی اور ملکی سطح پر سونے کی قیمتوں میں آج کمی دیکھنے میں آئی ہے۔بین الاقوامی بلین مارکیٹ میں فی اونس سونا 20 ڈالر سستا ہو کر 4 ہزار 299 ڈالر پر آگیا، جس کے اثرات مقامی صرافہ بازاروں میں بھی نمایاں رہے۔

ہفتے کے روز پاکستان میں 24 قیراط فی تولہ سونے کی قیمت 2 ہزار روپے گھٹ کر 4 لاکھ 52 ہزار 262 روپے کی سطح تک پہنچ گئی۔اسی طرح 10 گرام سونے کی قیمت میں بھی 1 ہزار 715 روپے کی کمی ریکارڈ کی گئی، جس کے بعد نئی قیمت 3 لاکھ 87 ہزار 741 روپے مقرر ہوئی۔دوسری جانب چاندی کی قیمتوں میں بھی کمی ہوئی ہے۔ فی تولہ چاندی 220 روپے سستی ہو کر 6 ہزار 464 روپے میں فروخت ہوئی، جبکہ 10 گرام چاندی کی قیمت 189 روپے کمی کے بعد 5 ہزار 541 روپے پر آگئی۔