لاہور ( این این آئی) فیڈرل بورڈ آف ریونیو نے ٹیکس گوشوارے جمع نہ کرانے والے لاکھوں نان فائلرز کو حتمی نوٹس جاری کردیئے۔فیڈرل بورڈ آف ریونیو نے رواں مالی سال 15لاکھ افراد کو ٹیکس نیٹ میں لانے کے مشن پر کام تیز کردیا، نان فائلرز کے بجلی، گیس اور موبائل فون کنکشن منقطع کرنے کا حتمی انتباہ جاری کردیا گیا۔

ذرائع کے مطابق ایف بی آر کی جانب سے نان فائلرز کو نوٹسز کے اجرا میں تیزی آگئی، نان فائلرز کو حتمی نوٹس جاری کردیئے گئے۔ نوٹس میں کہا گیا ہے کہ ٹیکس گوشوارے فائل نہ کرنے کی صورت میں قانون حرکت میں آئے گا۔ حکام کے مطابق ٹیکس قوانین پر عمل نہ کرنیوالوں کیخلاف ایکشن لیا جائے گا۔رپورٹ کے مطابق ٹیکس گوشوارے جمع نہ کرنے والے نان فائلرز کے بجلی، گیس اور موبائل کنکشن منقطع کردیئے جائیں گے۔