کراچی (این این آئی) بین الاقوامی بلین مارکیٹ میں سونے کی قیمت میں کمی کے بعد مقامی مارکیٹ میں بھی معمولی کمی کی گئی ہے۔عالمی مارکیٹ میں فی اونس سونے کی قیمت 3ڈالر کی کمی سے 2047ڈالر کی سطح پر آگئی۔کمی کے باعث مقامی صرافہ مارکیٹوں میں بھی بدھ کو 24قیراط کے حامل فی تولہ سونے کی قیمت 300روپے کی کمی سے 216100روپے اور فی دس گرام سونے کی قیمت بھی 257روپے کی کمی سے 185271 روپے کی سطح پر آگئی۔اسی طرح، فی تولہ چاندی کی قیمت 10روپے کی کمی سے 2650روپے اور فی دس گرام چاندی کی قیمت بھی 8.58روپے کی کمی سے 2271.94 روپے کی سطح پر آگئی۔