اسلام آباد (مانیٹرنگ ڈیسک )پاکستان مسلم لیگ ن کے رہنما و وزیراعظم شہباز شریف کے معاون خصوصی عطا اللہ تارڑ نے مریم اورنگزیب کیساتھ لندن میں پیش آنے والے واقعے پر ردعمل کا اظہار کرتے ہوئے کہا ہے کہ جن پاکستانیوں نے مریم اورنگزیب کو

دیکھ نعرے لگائے ان کے پاسپورٹ NICOP کینسل کر دینے چاہئے۔ سماجی رابطے کی ویب سائٹ ٹویٹر پر عطااللہ تارڑنے مریم نواز کے واقعے پر شدیدردعمل کا اظہار کیا ہے اور کہا ہے کہ ن پاکستانیوں نے مریم نواز کو لندن میں ہراساں کیا ان کے پاسپورٹ کینسل کر دینے چاہیے جبکہ پاکستان غیر ملکی پاسپورٹ پر آئیں تو انہیں گرفتار کر کے فوراً ڈی پورٹ کیا جانا چاہیے ۔ دوسری جانب سماجی رابطے کی ویب سائٹ ٹوئٹر پر جاری بیان میں وزیر اعظم شہباز شریف نے کہاہے کہ مریم اورنگزیب نے پی ٹی آئی کارکنوں کے ہراساں کرنے پر جس ظرف کا مظاہرہ کیا وہ قابل فخر ہے۔شہباز شریف نے اپنی ٹوئٹ میں لکھا کہ مریم اورنگزیب نے اپنے عمل سے ہراساں کرنے والوں اور ان کے سپورٹر زکا مکروہ چہرہ بے نقاب کیا۔قبل ازیںمسلم لیگ ن کی نائب صدر مریم نواز نے بھی ٹوئٹر پر جاری بیان میں مریم اورنگزیب پر فخرکیا ہے۔مریم نواز نے اپنی ٹوئٹ میں مریم اورنگزیب کو ٹیگ کرتے ہوئے لکھا کہ’ مجھے تم پر بے حد فخر ہے‘ خیال رہے کہ لندن میں تحریک انصاف کے کارکنوں نے وفاقی وزیر اطلاعات مریم اورنگزیب کو گھیر لیا، وفاقی وزیر کافی شاپ پر کافی لے رہی تھیں کہ پی ٹی آئی کارکن وہاں پہنچ گئے، انہوں نے مریم اورنگزیب سے نامناسب رویہ اپنایا، اس موقع پر پی ٹی آئی خواتین نے مریم اورنگزیب پر الزامات لگائے اور چور ہونے کا الزام بھی لگایا، وزیر اطلاعات پر الزام لگایا گیا کہ وہ پاکستانی عوام کا روپیہ لندن میں لٹا رہی ہیں، مریم اورنگزیب نے ان کا کوئی جواب نہ دیا اور خاموشی سے مسکراتی رہیں۔