مردان(نیوزڈیسک) مردان میں عوام کااحتجاج رنگ لایااورواپڈانے آٹھ اضلاع کی بجلی بحال کردی ۔مردان گرڈ اسٹیشن پرحملے،توڑ پھوڑ کے بعد آٹھ اضلاع کی بجلی بحال کردی گئی،ہنگامہ آرائی کے الزام میں 61افرادکو گرفتا رکرکے مقدمے درج کرلیے گئے تفصیلات کے مطابق مردان گرڈ اسٹیشن اس وقت میدان جنگ بن گیاجب لوڈ شیڈنگ سے پریشان شہریوں نے اس پر حملہ کردیا،مظاہرین نے گرڈ اسٹیشن کی اینٹ سے اینٹ بجادی مشتعل مظاہرین نے ایکسین کے دفتر کو نذرآتش اورکنٹرول روم کو بری طرح نقصان پہنچایا، پولیس کے لاٹھی چارج اور دوطرفہ فائرنگ سے درجنوں افراد زخمی ہوئے حملے کے نتیجے میں خیبرپختونخوا کے گیارہ اضلاع کو بجلی کی فراہمی معطل ہوگئی ،پیسکو ترجمان کے مطابق ایک ٹرانسفارمر کو فوری بحال کرکے اٹھ اضلاع کو بجلی بحال کردی گئی ہنگامہ آرائی اور توڑ پھوڑ کے الزام میں اکسٹھ افراد کو گرفتار کرکے مقدمہ درج کرلیا گیا ۔