اسلام آباد (این این آئی)جے یو آئی سربراہ مولانا فضل الرحمان سے افغانستان کے وزیر خارجہ ملا امیر خان متقی نے ملاقات کی ۔ترجمان جے یو آئی اسلم غوری کے
مطابق افغان وزیر خارجہ وفد کے ہمراہ جے یو آئی سربراہ مولانا فضل الرحمان کی رہائش گاہ پہنچے ،دونوں رہنمائوں میں خطے کی صورتحال سمیت اہم امور پر گفتگو ہوئی ۔ترجمان کے مطابق جے یو آئی سربراہ مولانا فضل الرحمان نے امارت اسلامی افغانستان کو افغانستان میں پرامن طریقے سے کامیابی پر مبارکباد دی ۔جے یو آئی سربراہ نے سے امارت اسلامی طالبان حکومت کی کامیابی کے لئے نیک خواہشات کا اظہار کیا ،طالبان رہنمائوں نے عالمی سطح پر طالبان موقف کی حمایت پر مولانا فضل الرحمان کا شکریہ ادا کیا ۔طالبان وفد میں عبدا لرحمان فدا پروٹوکول آفیسر ، مسئول سفارتخانہ سردار محمد شکیب ، ترجمان فارن آفئیرز عبدالوہاب بلخی شامل تھے ۔ملاقات میں مولانا صلاح الدین ایم این اے ،مفتی ابرار احمد اور دیگر شامل تھے ۔
