لاہور (نیوز ڈیسک) پاکستان تحریک انصاف کے ایک اور صوبائی وزیر اور ایم این اے کے خلاف نیب کو شکایت موصول ہوئی ہے جس پر نیب لاہور نے تحقیقات کا آغاز کر دیا ہے۔ ایم این اے ریاض احمد فتیانہ، آشفہ ریاض فتیانہ اور احسن ریاض فتیانہ پر لاہور میں بزرگ خاتون کی زمین پر قبضہ کرنے کا الزام لگایا گیا ہے،
درخواست میں ریاض فتیانہ اور دیگر پر انتظامیہ سے مبینہ ملی بھگت سے زمین پر قبضہ کرنے کا الزام ہے۔ درخواست کے مطابق قبضہ مافیا کے خلاف متعلقہ عہدیدار اور آفیشلز ایکشن کرنے کی بجائے ان کی سپورٹ کر رہے ہیں، لاہور کے جوہر ٹاؤن میں ریاض فتیانہ اور دیگر نے کروڑوں روپے زمین پر قبضہ کیا ہے۔
