ڈھاکہ/نئی دہلی(این این آئی)سمندری طوفان بلبل ہفتہ اور اتوار کی درمیانی شب بھارت کے مشرقی اور بنگلہ دیش کے جنوبی ساحلوں سے ٹکرا گیا۔سمندری طوفان کے باعث کم از کم تین افراد ہلاک جب کہ ہزاروں گھر تباہ ہو گئے ، طوفان سے قبل بنگلہ دیش میں تین لاکھ جب کہ بھارت میں سوا لاکھ افراد کو محفوظ مقامات پر منتقل کر دیا گیا غیرملکی خبررساں ادارے کے

مطابق حکام نے بتایاکہ سمندری طوفان کے باعث کم از کم تین افراد ہلاک جب کہ ہزاروں گھر تباہ ہو گئے ہیں۔ طوفان کے دوران شدید بارشوں کے ساتھ ساتھ چلنے والی ہوا کی رفتار ایک سو بیس کلو میٹر فی گھنٹہ تھی۔ ماہرین کے مطابق اتوار کی شام تک طوفان کی شدت میں کمی آگئی ۔ طوفان سے قبل بنگلہ دیش میں تین لاکھ جب کہ بھارت میں سوا لاکھ افراد کو محفوظ مقامات پر منتقل کر دیا گیا ۔

موضوعات:سمندری طوفان بلبل