اسلام آباد(نیوز ڈیسک)بھارتی ریاست گجرات میں سومنات کے مندر میں غیر ہندوﺅں کے داخلے پر پابندی لگا دی گئی۔ صرف خصوصی اجازت سے مندر میں داخل ہو سکیں گے۔مندر کی انتظامیہ نے اس حوالے سے ایک نوٹس جاری کیا ہے جس میں لکھا ہے کہ یہ مندر ہندوﺅںکی مقدس زیارت گاہ ہے جہاں روزانہ ہزاروں لوگ آتے ہیں۔ غیر ہندوﺅں کو مندر میں داخلے کیلئے جنرل منیجر کے دفتر سے اجازت حاصل کرنا ہو گی اور بتانا ہو گا کہ وہ کیوں مندر میں جانا چاہتے ہیں۔ سومنات مندر کا انتظام چلانے والے ٹرسٹ میں حکمران جماعت بی جے پی کے سرکردہ رہنما شامل ہیں۔ جن میں وزیر اعظم نریندر مودی، ایل کے ایڈوانی اور کیشو بھائی پٹیل بھی ہیں۔