نئی دہلی(نیوزڈیسک)بھارت اور امریکا کے درمیان 10سالہ اسٹریٹجیک ڈیفنس فریم ورک معاہدہ طے پا گیا میڈیا رپورٹ کے مطابق امریکی وزیر دفاع ایسٹن کارٹر نے نئی دلی میں بھارتی وزیراعظم نریندر مودی سے ملاقات کے بعد معاہدے پر دستخط کر دئیے معاہدے کے تحت بھارت اور امریکا مل کر کیمیائی اور حیاتیاتی جنگ کے خلاف فوجیوں کے حفاظتی ساز و سامان تیار کریں گے۔ معاہدے پر رواں سال جنوری میں صدر باراک اوباما کے دورہ نئی دہلی کے دوران معاہدے پر اتفاق ہوا تھا۔ بھارت کے 3روزہ دورے پر آئے امریکی وزیر دفاع ایشٹن کارٹر نے بھارتی ہم منصب منوہر پاریکر سے بھی ملاقات کی۔ اس موقع پر بھارتی وزیر دفاع نے کہا کہ وہ کسی ایک ملک کے بارے میں کچھ نہیں کہیں گے تاہم پاکستان کو اسلحہ فروخت کیے جانے پر بھارت کے تحفظات ہیں۔ دونوں ممالک کے درمیان ٹیکنالوجی، میری ٹائم، ایئرکرافٹ کیرئیر اور جیٹ انجن بنانے سمیت تعمیرات اور دیگر شعبوں میں بھی تعاون بڑھانے پر بھی اتفاق ہوا ہے۔