اسلام آباد(نیوز ڈیسک)کوہ ایلپس کے فرانسیسی علاقے میں سائیکل سے گرنے کے نتیجے میں ٹانگ ٹوٹنے کے بعد امریکی وزیر خارجہ جان کیری اپنا دورہئ یورپ مختصر کرتے ہوئے واپس وطن روانہ ہو گئے ہیں۔ 71 سالہ کیری سائیکل حادثے کے بعد سوئس شہر جنیوا کے ایک ہسپتال میں منتقل کر دیے گئے تھے۔ اس سے قبل کہا جا رہا تھا کہ وہ اتوار کی شام امریکا کے لیے روانہ ہو جائیں گے، تاہم امریکی محکمہئ خارجہ نے ان کے سفر میں تاخیر کا اعلان کر دیا تھا۔ محکمہ خارجہ کے مطابق احتیاطی تدابیر کے طور پر انہیں اتوار اور پیر کی درمیانی شب ہسپتال میں رکنے اور اگلے روز پرواز کرنے کے لیے کہا گیا تھا۔