روم(نیوزڈیسک)بحیرہ روم میں بڑا المیہ،تارکین وطن غمزدہ ہوگئے،اٹلی کے کوسٹ گارڈ نے کہا ہے انھوں نے بحیر ہ روم عبور کرنے کی کوشش کرنے والے 3300 سے زیادہ تارکین وطن کو بچانے میں اپنی خدمات انجام دی ہے۔انھوں نے بتایا کہ ایک تلاش مہم کے دوران انھیں تین کشتیوں سے 17 لاشیں ملیں جبکہ ان کے علاوہ کشتیوں پر سوار 217 افراد کو بچا لیا گیا ہے۔اطالوی کوسٹ گارڈ نے کہا کہ انھیں 17 مختلف کشتیوں سے پریشانیوں کی اطلاعات ملیں۔تارکین وطن کی بین الاقوامی تنظیم آئی او ایم نے کہا کہ بحیر ہ روم کو عبور کرنے کی کوشش میں رواں سال اب تک کم از کم 1826 افراد ہلاک ہو چکے ہیں۔آئی او ایم کے مطابق گذشتہ سال اسی دورانیے میں ہونے والی اموات کے مقابلے رواں سال ہونے والی ہلاکتیں 30 گنا زیادہ ہیں۔اطالوی زبان میں شائع ہونے والے کوریئری دیلا سیرا اخبار کے مطابق زیادہ تر لوگوں کو لیبیا کے ساحل کے قریب بچایا گیا اخبار نے بتایا کہ کشتی میں پھنسے لوگوں کو بچانے کی مہم میں آئرلینڈ، جرمنی اور بلجیم کے جہازوں نے حصہ لیا۔اقوام متحدہ کے مطابق رواں سال کے آغاز سے اپریل کے اواخر تک کم از کم 40 ہزار افراد نے بحیر ہ روم کو عبور کرنے کی کوشش کی ۔تارکین وطن کی تعداد میں اس قدر اضافے کی وجوہا ت میں لیبیا میں انتشار شامل ہے اس کے علاوہ یہاں سے ترک وطن کے زیادہ تر سفر کا آغاز ہوتا ہے کیونکہ یہاں کا موسم نسبتاً معتدل ہے۔ امدادی ادارے ڈاکٹرز ود آو ¿ٹ بارڈرز نے خبر دی کہ ایک کشتی سے ایک 98 سالہ شخص کو بچایا گیا جو مصر سے 13 دن قبل روانہ ہوا تھا۔ انھیں سسلی کے آگسٹا میں بچایا گیا۔