اسلام آباد(سی پی پی)تھانہ کورال کے علاقے سے ڈیوٹی دے کر واپس جانے والی لیڈی پولیس کانسٹیبل ثانیہ سے اسلحہ کی نوک پرنامعلوم شخص کی زیادتی، سرکاری ایم پی 5 گن بھی چھین لی ۔ ذرائع کے مطابق ڈیوٹی دے کر واپس جانے والی لیڈی پولیس کانسٹیبل ثانیہ کو ایک نامعلوم شخص نے اسلحہ کے زور پر روکا اور ثانیہ کے منہ پر کپڑا رکھ کر اسے بے ہوش کرنے کے بعد زیادتی کا نشانہ بنا ڈالا۔ملزم لیڈی کانسٹیبل ثانیہ کو

حالت غیر میں چھوڑ کر فرار ہوگیا ۔بے ہوشی سے قبل ثانیہ نے شدید مزاحمت کی جس سے وہ زخمی ہو گئیں جسے پمز ہسپتال منتقل کیا گیا۔تاہم بعد ازاں سرچ آپریشن کے دوران خاتون کانسٹیبل کی سرکاری گن بھی جائے وقوعہ کے قریب سے برآمد کرلی گئی۔ابتدائی تحقیق سے معلوم ہوا ہے کہ زیادتی کرنے والا ایک ہی شخص تھا ۔ایس ایس پی امین بخاری کا کہنا ہے کہ واقعہ کا مقدمہ درج کررہے ہیں ملزم کی تلاش بھی شروع کردی ہے۔