اسلام آباد (نیوز ڈیسک ) چینی پولیس نے چھ نشستوں والی ایک وین میں ٹھونسے گئے پچاس افراد کو برآمد کرلیا۔ چین کے جنوبی شہر گوئی یانگ میں پولیس کو اس وقت شدید حیرت کا سامنا کرنا پڑا جب چھ سیٹوں والی ایک چھوٹی سی وین میں ایک دو نہیں بلکہ پچاس افراد سوار تھے ، چینی میڈیا کی جانب سے جاری کردہ فوٹیج میں پولیس اہلکار وین سے اترنے والے افراد کی گنتی کر رہے ہیں۔ ڈرائیور کو ملا کر وین میں پچاس افراد ٹھونسے گئے تھے جو ایک تعمیراتی سائٹ پر جا رہے تھے۔ پولیس نے مسافروں کے لیے دوسری گاڑی کا انتظام کرتے ہوئے ڈرائیور کو جرمانہ کر دیا۔ –