اسلام آباد (نیوز ڈیسک )یونیورسٹی آف کیلی فورنیا، سان ڈیاگو کے وڑوئل آرٹس ڈیپارٹمنٹ میں طلبا کے کمرہ امتحان میں داخلے کیلئے ایک انوکھی شرط رکھی گئی ہے۔ شرط یہ ہے کہ انہیں مکمل طور پر عریاں حالت میں آنا ہوگا۔ اس کورس کی تفصیلات کے مطابق طلبا کو اپنے اندر کے جنسی جذبات کا جسمانی اشاروں یا الفاظ کے ذریعے اظہار کرنا ہوگا۔ اس کورس کو پڑھانے والے پروفیسر رابرٹو ڈومینگوز ہیں۔ پروفیسر رابرٹو ڈومینگوز اس مضمون کو گیارہ برس سے پڑھا رہے ہیں۔ ان کا کہنا ہے کہ یہ پرفارمنس آرٹ اور باڈی آرٹ کا معیاری کینوس ہے۔ اس کی کلاس بہت کنٹرول میں رکھی جاتی اور اگر کسی کو اس پر اعتراض ہے تو وہ یہ مضمون نہ پڑھے۔ یونیورسٹی ویب سائٹ کے مطابق یہ کورس وربل پرفارمنس آرٹ کلاس کیلئے ضروری ہے۔ اس کلاس میں شامل 95فیصد طلبا نے اس مضمون میں ”اے“ گریڈ لیا۔
پروفیسر ڈومینگوز اس سے قبل غیر قانونی تارکین وطن افراد کو میکسیکو کی سرحد پار کرنے سے متعلقہ ہدایات کے ہمراہ سیل فونز تحفے میں دے چکے ہیں۔