کوئٹہ(مانیٹرنگ ڈیسک)ایف سی بلوچستان کی آپریشن رد الفساد کے تحت کوئٹہ اور سبی میں کارروائی تخریب کاری کے منصوبے ناکام بناتے ہوئے بھاری تعداد میں اسلحہ اور گولہ بارود برآمد کر لیا ‘تفصیلات کے مطابق ایف سی بلوچستان نے آپریشن رد الفساد کے تحت کوئٹہ کے علا قے مشرقی بائی پاس اور سبی کے علا قے کلگری دامان اور غازی کے پہاڑوں میں خفیہ اطلاع ملنے پر کارروائی عمل میں لاتے ہوئے بھاری تعداد میں اسلحہ اور گولہ بارود برآمد کر لیا۔
ایف سی بلوچستان نے سبی کے علاقے کلگری دامان اور غازی کے پیچیدہ اور دشوار گزار پہاڑوں میں دہشتگردی کی خفیہ اطلاع ملنے پر سرچ آپریشن کیا۔ دہشتگردوں کے ٹھکانوں سے 8کلو بارودی مواد‘15عدد ڈیٹونیٹرز ‘4عدد ایس ایم جیز‘3رائفل ‘6عددہینڈ اینڈ گرنیڈز مواصلاتی آلات اور سینکڑوں راؤنڈز برآمد کر کے قبضے میں لے لیا۔ جبکہ کوئٹہ کے علا قے مشرقی بائی پاس پر سرچ آپریشن کرتے ہوئے ایک کمپاؤنڈ سے 3عدد ایس ایم جیز ‘2عدد پسٹل بمعہ راؤنڈز برآمد کر کے قبضے میں لے لیا۔
