کینبرا(نیوزڈیسک) آسٹریلوی عدالت نے کتے کے پلوں کو جان سے مارنے پر ایک شخص کو ڈیڑھ سال قید کی سزا سنادی۔غیرملکی میڈیا کے مطابق آسٹریلیا کی ریاست نیو ساوتھ ویلز کی عدالت میں ناتھن تھامپسن نامی ایک شخص پر کتے کے 9 پلوں کو بے دردی سے مارنے کے مقدمے کی سماعت ہوئی۔ سماعت کے دوران وکیل استغاثہ کا کہنا تھا کہ ناتھن کتے کے 9 پلوں کی دیکھ بھال کرتا تھا ، گزشتہ ماہ اس کے مالک نے ان پلوں کو فروخت کرنے کی ہدایت کی جس پر اس نے انہیں جانوروں کی نگہداشت کرنے والے کسی ادارے کے سپرد کرنے کا فیصلہ کیا۔ اس مقصد کے لئے جب وہ انہیں اپنی گاڑی میں ڈال کر جانے لگا تو اسے معلوم ہوا کہ اس کی گاڑی میں پیٹرول ہی نہیں اور پھر اس نے ان پلوں کو اینٹیں اور پھتر مار مار کر ہلاک کردیا۔دوسری جانب ناتھن کے وکلا ءنے کہا کہ واقعہ کے وقت اس کی ذہنی حالت ٹھیک نہیں تھی وہ پچھلے 72 گھنٹوں سے سویا نہیں تھا اور یہی اس واقعہ کی وجہ بنی، عدالت نے فریقین کے دلائل سننے کے بعد ناتھن کو جانوروں کے سفاکانہ قتل کا مجرم قرار دیتے ہوئے اسے ڈیڑھ سال قید کی سزا سنادی،
مزید پڑھئے:لیموں سے دانت انتہائی چمکدار اور سفید بنانے کا آسان نسخہ
قانونی ماہرین کے مطابق ناتھن کو کم از کم ایک برس جیل میں گزارنا ہوگا جب کہ وہ عمر بھر کوئی جانور بھی نہیں پال پائے گا۔
