اسلام آباد (مانیٹرنگ ڈیسک )جہانگیر ترین کے بیٹے علی ترین الیکشن میں شکست دینے والے لودھراں سے ن لیگ کے سابق ایم این اے پیر اقبال شاہ اور ان کے بیٹے کا ن لیگ چھوڑنے کا فیصلہ۔ تفصیلات کے مطابق عام انتخابات میں ٹکٹ نہ ملنے پر لودھراں کے ضمنی الیکشن میں جہانگیر ترین کے بیٹے علی ترین کو شکست دینے والے ن لیگ کے سابق ایم این اے پیر اقبال شاہ اور ان کے بیٹے نے
ن لیگ چھوڑنے کا فیصلہ کر لیا ہے۔ پیر اقبال شاہ کا کہنا تھا کہ پارٹی نے ان سے وعدہ کیا تھا کہ وہ جنرل الیکشن میں انہیں ٹکٹ دے گی جبکہ ایسا نہ ہوا اور ان کے ساتھ وعدہ خلافی کی گئی ہے۔ لودھراں سے ملنے والی اطلاعات کے مطابق پیر اقبال شاہ پارٹی قیادت کی وعدہ خلافی کے بعد جہانگیر ترین سے رابطے میں ہیں اور ممکنہ طور پر تحریک انصاف میں شمولیت اختیا رکر سکتے ہیں۔
