جھنگ(نیوزڈیسک)’’ یہ دن بھی آنے تھے ‘‘ ن لیگ کو اب تک کا سب سے بڑا جھٹکا، پنجاب کے اہم ترین شہر سے ایک امیدوار بھی نہیں مل سکا،شہر سے انتخابات میں حصہ نہ لینے کا فیصلہ ، تفصیلات کے مطابق جھنگ پاکستا ن کا ایسا شہر ہے

جہاں کا کوئی بھی شہری ن لیگ کو ووٹ نہیں دے گا۔انتخابی شیڈول کا اعلان ہوتے ہی ملک بھر میں سیاسی جماعتوں نے اپنے امیدواروں کا اعلان کر دیا ہے اور کاغذات نامزدگی بھی جمع کرادیئے گئے ہیں ایسے میں ایک چونکا دینے والی خبر بھی سامنے آچکی ہے کہ پنجاب کے شہر جھنگ سے مسلم لیگ ن کے ٹکٹ کے حصول کیلئے کسی بھی امیدوار نے درخواست نہیں دی ہے اس طرح اب جھنگ میں مسلم لیگ ن کا کوئی بھی امیدار نہیں ہو گا اور جھنگ کے شہری شیر کے نشان پر مہر نہیں لگا سکیں گے۔واضح رہے کہ جھنگ میں قومی اسمبلی کی تین اور صوبائی اسمبلی کی سات نشستیں ہیں۔حیران کن طور پر ن لیگ کے ضلعی صدر اور سابق ایم پی اے خالد غنی سابق وفاقی وزیر شیخ وقاص اکرم سمیت دیگر سابق اراکین اسمبلی اپنی جماعت کے ٹکٹ کی بجائے آزاد حیثیت سے الیکشن لڑ رہے ہیں۔ ذرائع کا کہنا ہے کہ ختم نبوت کے حوالے سے قانون سازی کی وجہ سے جھنگ شہر اور گرد و نواح میں ن لیگ کے خلاف شدید غم و غصہ پایاجاتا ہے جس کے باعث کوئی ن لیگ کے ٹکٹ سے الیکشن لڑنے کو تیار نہیں ۔