اسلام آباد(این این آئی)تحریک انصاف کے ترجمان فوادچودھری نے کہاہے کہ دونوں بھائی ذہنی طور پر مفلوج اور شدید عقلی بحران کا شکار ہیں۔ یہ بات تحریک انصاف کے مرکزی سیکرٹری اطلاعات فواد چوہدری نے شہباز شریف کی تقریر پر تبصرہ کرتے ہوئے کہی۔ ان کا کہنا تھا کہ حکومت کرپشن یہ کرتے ہیں اور سوال حزب اختلاف اور عدالت سے پوچھتے ہیں۔ پانچ سال پہلے جب تحریک انصاف نے پختونخوا میں حکومت سنبھالی تو صوبہ جنگ زدہ تھا۔
کرپشن اور بدانتظامی نے پختونخوا کو مکمل بدحال کررکھا تھا۔ تحریک انصاف بہرحال چھوٹے میاں کے بھونڈے سوالات کا سنجیدگی سے جواب دیتی ہے۔کاری کے اثرات انشاء اللہ نسلوں برقرار رہیں گے، فواد چوہدری نے مزید کہا کہ پختونخوا حکومت نے پانچ برس میں درجن بھر نئی جامعات اور ہسپتال بنائے۔عمران خان نے کرپشن کے خاتمے کا اپنا وعدہ نبھایا۔ عمران خان نے کرپشن کے الزامات پر وزیر بھی نکالے اور درجنوں کی تعداد میں اپنے اراکین اسمبلی بھی۔ پختونخوا ہی میں کرپشن میں ملوث وزیر اور سرکاری عمال کا باضابطہ احتساب کیا گیا۔ پختونخوا حکومت نے ہزاروں پڑھے لکھے نوجوانوں کو مکمل شفافیت سے قابلیت کی بنیاد پر روزگار دیا۔جس پشاور شہر کی یاد شہباز شریف کو ستا رہی ہے پختونخوا حکومت نے اس میں “باب پشاور” “آزادی فلائی اوور” سے پچاس فیصد سے زائد کم لاگت میں تعمیر کیا۔ مجموعی طور پر تحریک انصاف نے جنگ زدہ صوبے کو گورننس اور انسانی ترقی میں سب سے آگے لاکھڑا کیا ہے۔شہباز شریف میں شرم و حیا کی کوئی رمق باقی ہے تو زیادہ سوالات کا جواب نہ دیں خود اپنا نام ہی تجویز کردیں۔ چھ ماہ، ایک سال، دو سال میں لوڈ شیڈنگ کا خاتمہ تو درکنار، آج پانچ سال بعد بھی ملک میں اندھیروں کا راج ہے۔شہباز شریف خود کہا کرتے کہ اگر بجلی کا بحران ختم نہ کیا تو نام بدل دیں۔
