اسلام آباد (نیوز ڈیسک) تحریک انصاف کے چیئرمین عمران خان نے عام انتخابات سے قبل اور ٹکٹوں کی تقسیم کے بعد عمرے کی ادائیگی کا فیصلہ کیا تھا، عمران خان کی سعودی عرب پہنچنے کی ویڈیو سوشل میڈیا پر وائرل ہے جس میں دیکھا جا سکتا ہے کہ جب عمران خان سرزمین مقدسہ پر اترے تو انہوں نے جوتے نہیں پہن رکھے تھے، وہ بناء جوتے اس سرزمین پر اترے۔ دریں اثناء میڈیا رپورٹس کے مطابق چیئرمین تحریک انصاف عمران خان نے عام انتخابات سے قبل عمرے
کی ادائیگی کا فیصلہ کر لیا تھا۔ذرائع کا کہنا تھا کہ عمران خان دو سے تین روز میں عمرے کی ادائیگی کیلئے سعودی عرب جائیں گے، عمران خان کی اہلیہ بھی ان کے ہمراہ ہوں گی، چیئرمین پی ٹی آئی عید سے قبل عمرہ ادا کر کے واپس آ جائیں گے۔ذرائع نے یہ بھی بتایا تھا کہ عمران خان اور بشریٰ بی بی سعودی عرب میں 3 روز قیام بھی کریں گے ۔اب عمران خان سعودی عرب پہنچ چکے ہیں اور جب وہ جہاز سے اترے تو انہوں نے جوتے نہیں پہن رکھے تھے۔
