اسلام آباد (نیوز ڈیسک) تحریک انصاف کے چیئرمین عمران خان کی سابق اہلیہ ریحام خان کی کتاب کے مندرجات سامنے آنے سے مختلف چہ میگوئیوں جاری ہیں اور کہا یہ جا رہا ہے کہ اس سے عمران خان کی سیاسی ساکھ کو نقصان پہنچے گا اور ریحام خان کا ارادہ اس کتاب کو انتخاب سے پہلے مارکیٹ میں لانے کا ہے، مختلف میڈیا رپورٹس کے مطابق
اس کتاب کے پیچھے ن لیگ کا ہاتھ ہے تاکہ وہ تحریک انصاف کو نقصان پہنچا سکے۔ سماجی رابطے کی ویب سائٹ ٹوئیٹر پر سینئر صحافی شاہین صہبائی نے اپنے پیغام میں لکھا کہ اگر ریحام خان کی کتاب انتخابات کے موقع پر شائع ہو سکتی ہے تو جے آئی ٹی کا والیم 10 کیوں نہیں آ سکتا، اسے کیوں چھپایا جا رہا ہے اور کسے بچایا جا رہا ہے۔
