بنوں (مانیٹرنگ ڈیسک)بنوں میں 100 سالہ خاتون نے دو نشستوں پر کاغذات نامزدگی جمع کرادیئے،ریٹرننگ آفیسر نے خاتون کی فیس معاف کردی۔نجی ٹی وی چینل کے مطابق بنوں سے 100 سالہ خاتون حضرت بی بی نے عام انتخابات میں دو نشستوں پر کاغذات نامزدگی جمع کروا دیئے۔
حضرت بی بی نے این اے 35 اور پی کے 89 سے کاغذات نامزدگی جمع کرائے، ریٹرننگ افسر نے خاتون کی فیس معاف کردی۔حضرت بی بی نے اس موقع پر کہا کہ وہ انتخابات میں کامیاب ہو کر عوام کے مسائل حل کریں گی اور حلقے میں ٹیوب ویل اور سڑکیں بنائینگی ۔واضح رہے کہ حضرت بی بی اس سے قبل بھی پانچ بار انتخابات میں حصہ لے چکی ہے ۔
