اسلام آباد(مانیٹرنگ ڈیسک) مسلم لیگ ن کا چوہدری نثار کو ٹکٹ جاری کرنے کا فیصلہ ،سابق وزیرداخلہ قو می صوبائی اسمبلی کے 2 ،2حلقوں سے الیکشن لڑیں گے۔تفصیلات کے مطابق مسلم لیگ ن نے سینئر رہنما چودھری نثار علی خان کو ٹکٹ دینے کا فیصلہ کر لیا ہے، مسلم لیگ ن کی جانب سے چودھری نثار علی خان کو قومی و صوبائی اسمبلی کی نشستوں پر ٹکٹ جاری کیے جائیں گے۔یاد رہے گذشتہ ماہ کے آغاز میں چوہدری نثار نے کہا تھا کہ وہ ضلع اٹک میں این اے 59، راولپنڈی میں پی پی 10 اور پی پی 14 سے الیکشن میں حصہ
لیں گے۔واضح رہے کہ اپنی پارٹی ن لیگ سے اختلافات کے بعدسیاسی حلقوں میں یہ بات زیر بحث تھی کہ چوہدری نثار اگلا انتخاب کس پارٹی سے لڑیں گے۔ اس ضمن میں تحریک انصاف کے چیئرمین عمران خان کی طرف سے بھی انھیں پارٹی شمولیت کی دعوت مل گئی تھی۔ تاہم چوہدری نثار نے اس سلسلے میں مسلسل خاموشی کا مظاہرہ کیا۔ سابق وزیر داخلہ نےاس سے قبل پریس کانفرنس کرتے ہوئے اعلان کر چکے ہیں کہ وہ شہباز شریف کو پارٹی لیڈر مانتے ہیں، اگر مریم نواز پارٹی لیڈر بنیں، تو وہ ن لیگ سے الگ ہوجائیں گے۔
