اسلام آباد(مانیٹرنگ ڈیسک)مسجد میں آکر کلمہ پڑھنے اور ختم نبوت ؐکا اقرار کرنے میں کیا مسئلہ ہے؟رانا ثنا سے کہا کہ آکے کلمہ پڑھ کر مسلمان ہو جائیں تو کیوں نہیں پڑھتے؟رانا ثنا ختم نبوتؐ معاملے میں فرنٹ پر ہیں، سجادہ نشین سیال شریف پیر حمید الدین نے رانا ثنا کو ختم نبوت ؐ کا منکر قرار دیدیا۔ روزنامہ پاکستان لاہور کی ایک رپورٹ کے مطابق سجادہ نشین سیال شریف پیر حمید الدین سیالوی کا کہنا ہے کہ رانا ثنا سے کہا کہ آکے کلمہ پڑھ کر مسلمان ہو جائیں تو کیوں نہیں پڑھتے، مسجد میں آکر کلمہ پڑھنے اور ختم نبوت کا اقرار کرنے

میں کیا مسئلہ ہے؟ان کا کہنا تھا کہ ختم نبوتؐ قانون میں ترمیم پیش کرنے میں رانا ثنا پیش پیش تھےاس معاملے میں وہ فرنٹ پر ہیں۔ واضح رہے کہ سجادہ نشین سیال شریف نے ختم نبوت معاملے پر رانا ثنا کے استعفے کا مطالبہ کر رکھا ہے جبکہ ان کو منانے کیلئے ن لیگی رہنما زعیم قادری بھی سیال شریف کا دورہ کرچکے ہیں ۔ پیر آف سیال شریف نے استعفیٰ کی ڈیڈ لائن ختم ہونے پر 10 دسمبر کو دھوبی گھاٹ میں جلسے کا اعلان کر رکھا ہےجہاں پر ان کا دعویٰ ہے کہ متعدد لیگی رہنمائوں کے استعفے ان کے پاس موجود ہیں جنہیں وہ پیش کرینگے۔

موضوعات:پیر آف سیال شریف ختم نبوتؐ معاملہ