ماسکو (نیوز ڈیسک) قربت کے لمحات میں غلطی سے سابقہ بیوی کا نام پکارنے والے خاوند کو روسی دلہن نے خنجر کے پے درپے وار کرکے ہلاک کردیا۔اخبار ”دی مرر“ کے مطابق 47 سالہ اناطولی نے 45 سالہ خاتون سویتلانا الوینا سے دوسری شادی کی تھی اور دونوں ہنسی خوشی ایک دوسرے کی قربت سے لطف اندوز ہورہے تھے کہ اس دوران شدت جذبات میں اناطولی کے منہ سے سابقہ بیوی اولگا کا نام نکل گیا۔سویتلانا اس بات پر شدید مشتعل ہوگئی اور اناطولی کے ساتھ مزید تعاون سے مکمل انکار کردیا۔ اس نے اپنے شوہر کی معافی کی درخواست بھی رد کردی اور ناراضی برقرار رکھی۔ جب تمام کوششیں ناکام ہونے کے بعد بالآخر اناطولی تھک ہار کر سوگیا تو سوتیلانا نے گھر میں موجود ایک خنجر کے پے درپے وار اس کے سینے پر کئے اور اسے دنیا سے ہمیشہ کے لئے رخصت کردیا۔ شوہر کو قتل کرنے کے بعد سوتیلانا نے خود کو پولیس کے حوالے کردیا۔