اسلام آباد(مانیٹرنگ ڈیسک) مسلمان ہمارے لئے سب سے بڑا خطرہ، ان کے ساتھ کبھی امن قائم نہیں ہو سکتا،امن کے داعی ہونے کے دعویدار روہنگیا مسلمانوں کے قتل عام میں ملوث بدھ بھکشو ئوں کے اہم رہنما کا اصل چہرہ سامنے آگیا۔ تفصیلات کے مطابق رخائن میں
روہنگیا مسلمانوں کے قتل عام میں ملوث بدھ بھکشوئوں کے اہم رہنما نے کہا ہے کہ اسلام بدھ ثقافت کیلئے خطرہ ہے۔ مسلمان جانوروں کا شکار کر کے انہیں کھانے کے طور پر استعمال کرتے ہیں ، یہی نہیں تمام مسلمان پانی میں موجود مچھلیوں کو بھی اپنی خوراک بناتے ہیں اور قدرتی وسائل کو نقصان پہنچاتے ہیں۔ریاست میں امن کا قیام مسلمانوں پر منحصر ہے۔ن بدھ مت اور بدھ مت کی ثقافت کو ختم کر نا چاہتے ہیں، بدھ مت کے احکامات کو نظر انداز کرتے ہوئے مسلمان جان بوجھ کر میانمار کو ایک مسلم ریاست کے طور پر سامنے لانا چاہتے ہیں اور زبردستی اسلامی قوانین کا نفاذ کر رہے ہیں۔اگر مسلمان یہ سب نہ کریں تو ہم پُر امن طریقے سے رہ سکتے ہیں۔ بدھ بھکشو کا مزید کہنا تھا کہ بے شک مسلمان کم تعداد میں موجود ہیں لیکن اس مذہب کی اقلیت نے بھی بدھ مت کے پیروکاروں کو مشکل میں ڈال رکھا ہے اور مسلمان اور بدھ مت کے پیروکار کبھی ایک ساتھ نہیں رہ سکتے۔اس کا کہنا تھا کہ اگر ہر مذہب ہی دوستانہ اور اچھا ہو گا تو پھر بد امنی کی کوئی وجہ نہیں رہے گی برمی مسلمان پر منحصر ہے کہ وہ امن چاہتے ہیں یا قتل عام۔
