اسلام آباد (این این آئی)سپریم کورٹ کے تاریخی فیصلے کے بعدنواز شریف تیسری بار بھی اپنی مدت مکمل کرنے میں کامیاب نہیں ہو سکے تاہم یہ ان کا طویل ترین دور حکومت تھا۔جمعہ کو سپریم کورٹ نے پاناماکیس پر وزیراعظم نواز شریف کو نااہل قرار دیدیا اس سے قبل بھی نواز شریف دو مرتبہ وزارت عظمیٰ پر فائز ہوئے لیکن اپنا دور اقتدار مکمل نہ کر پائے تھے۔ پہلی بار انہیں 93 19میں صدر غلام اسحاق خان نے 58 ٹو بی کے تحت حکومت کو فارغ کر دیا تھا

جس کے بعد مسلم لیگ (ن)اور وزیر اعظم نواز شریف 1997میں دوبارہ اقتدار میں آئے لیکن99 19میں انہیں اس وقت کے آرمی چیف پرویز مشرف نے مارشل لا کے ذریعے باہر کردیا تھا۔ دونوں بار ہی نواز شریف اپنی وزارت عظمیٰ کے تیسرے سال میں تھے ۔ نواز شریف نے جلاوطنی کے بعد 2013کے الیکشن میں حصہ لیا اور مسلم لیگ (ن)بھاری اکثریت سے کامیاب ہوئی تاہم پانا ما کیس میں سپریم کورٹ نے نا اہل قرار دیدیا ۔