ڈربی (این این آئی)آئی سی سی ویمنز ورلڈ کپ میں روایتی حریفوں پاکستان اور بھارت کے درمیان اہم میچ اتوار کو ڈربی میں کھیلا جائیگا میچ پاکستانی وقت کے مطابق میچ دوپہر اڈھائی بجے شروع ہوگا ۔شیڈول کے مطابق پاکستانی ٹیم اپنا چوتھا میچ 5 جولائی کو آسٹریلیا، پانچواں 8 جولائی کو نیوزی لینڈ، چھٹا 11 جولائی کو ویسٹ انڈیز جبکہ ساتواں اور آخری میچ 15 جولائی کو سری لنکا کے خلاف کھیلے گی۔

ٹورنامنٹ کا پہلا سیمی فائنل 18 جولائی، دوسرا 20 جولائی جبکہ فائنل 23 جولائی کو کھیلا جائے گا۔یاد رہے کہ جنوبی افریقہ اور انگلینڈ سے شکست کے بعد پاکستانی ٹیم کیلئے یہ میچ بڑی اہمیت کا حامل ہے ٗ بھارتی ٹیم اپنے پہلے دونوں میچز جیت چکی ہے اس نے میزبان انگلینڈ اور ویسٹ انڈیز کو شکست سے دوچار کیادوسری جانب آئی سی سی ویمنز ورلڈ کپ میں پاکستان اور بھارت کے علاوہ(آج) اتوار کو مزید تین میچز کھیلے جائینگے ٗپہلا میچ آسٹریلیا اور نیوزی لینڈ کے مابین برسٹول میں کھیلا جائے گا۔ دوسرے میچ میں انگلینڈ اور سری لنکا کی ٹیمیں ٹونٹن میں مدمقابل ہوں گی۔ تیسرا میچ پاکستان اور بھارت کے مابین ڈربی میں کھیلا جائے گا جبکہ چوتھے میچ میں جنوبی افریقہ اور ویسٹ انڈیز کی ٹیمیں آمنے سامنے ہوں گی۔