کارڈف/لاہور (این این آئی)آئی سی سی چیمپئنزٹرافی میں انگلینڈکے خلاف پاکستان کی جیت کی خوشی میں شائقین کرکٹ کاجشن،شائقین کرکٹ نعرہ تکبیراللہ اکبراورپاکستان زندہ بادکے نعرے لگاتے ہوئے کارڈف کی سڑکوں پرنکل آئے۔اس موقع پرشائقین کرکٹ دل دل پاکستان کے ملی نغمے پررقص بھی کرتے رہے۔شائقین کرکٹ کاکہناتھاکہ ہمیں بہت زیادہ خوشی ہے کہ قومی کرکٹ ٹیم فائنل کھیلنے کااعزازحاصل کررہی ہے۔پاکستان کواپنی اس اچھی کارکردگی کامظاہرہ فائنل میں
بھی کرئے گااورفائنل جیت کرقوم کوعیدکاتحفہ دے گی۔اس موقع پرگونوازگوکے نعرے بھی لگتے رہے۔علاوہ ازیں لاہو رمیں بھی پاکستانی کرکٹ ٹیم کی فتح کی خوشی میں مختلف علاقوں میں منچلوں نے بھنگڑے ڈالے اور مٹھائیاں تقسیم کیں۔جس میں اسلام پور ، گلشن راوی ، کینال ویو ، شادمان ، جوہر ٹاؤن ، مزنگ ، باغبانپورہ ، گڑھی شاہو ، اچھرہ سمیت دیگر علاقے شامل ہیں۔نوجوانوں نے بیٹسمین فخر زمان ، سرفراز احمد کے بڑے پوسٹر اٹھار کھے تھے ۔
