ممبئی (نیوز ڈیسک)بولی وڈ میں اربوں روپوں کا بزنس کرنے والی فلموں میں کام کرنے والے امیر ترین اداکار شاہ رخ خان نے یہ ترقی راتوں رات حاصل نہیں کی۔شاہ رخ خان نے انڈین شو ‘انڈیا پوچھے گا سب سے شانا کون’ میں اپنے کیرئیر کی بات کرتے ہوئے بتایا کہ ان کی پہلی تنخواہ تھی صرف 50 روپے جو کہ ان کو سینما کے باہر ٹکٹ بیچنے پر ملتی تھی، لیکن آج ان کی فلمیں باکس آفس پر سب سے زیادہ ہٹ ہوتی ہیں اور تقریبا ایک ارب روپے سے زیادہ کماتی ہیں۔بولی وڈ کے بادشاہ نے تو یہ بھی بتایا کے ان کی خواہش تھی کہ وہ کبھی تاج محل دیکھیں اور آج وہ اپنا ہر خواب پورا کر سکتے ہیں۔یہ شو جمعہ کے روز نشر کیا جائے گا جس میں کرن جوہر، عالیہ بھٹ اور انوشکا شرما بھی شاہ رخ خان کے ساتھ نظر آئیں گی۔