اسلام آباد(این این آئی) انسداد دہشتگردی کی عدالت نے مولانا اعظم طارق قتل کیس کے ملزم سبطین کاظمی کے جوڈیشل ریمانڈ میں 22 جون تک توسیع کردی۔منگل کو اسلام آباد میں انسداد دہشتگردی کی خصوصی عدالت کے جج کوثرعباس زیدی کے روبرو سبطین کاظمی کو14 روزہ جوڈیشل ریمانڈ مکمل ہونے پرپیش کیا، سماعت کیلئے ملزم سبطین کاظمی کو خصوصی سیکیورٹی میں عدالت لایا گیا تھا۔

پولیس نے مولانااعظم طارق قتل کیس میں مقدمے کا چالان عدالت میں جمع کرادیا۔ عدالت نے ملزم سبطین کاظمی کیجوڈیشل ریمانڈ میں 22 جون تک توسیع کرتے ہوئے سماعت ملتوی کردی۔واضح رہے کہ سبطین کاظمی پر2003 میں رکن قومی اسمبلی مولانا اعظم طارق کوقتل کرنے کا الزام ہے اورملزم چند روزقبل دوحا کے راستے لندن جاتے ہوئے اسلام آباد ائیرپورٹ سے گرفتارہوا تھا۔