ممبئی (نیوز ڈیسک)کرکٹ کے کھیل کے مقبول ترین بلے باز اور ویسٹ انڈیز کے سابق کپتان سر ویوین رچرڈز اپنی بیٹی مسابا کی شادی میں شرکت کریں گے، ویوین رچرڈز نے مسابا کو یقین دلایا ہے کہ وہ ان کی شادی میں شرکت کے لئے ہر صور بھارت پہنچیں گے۔ مسابا ویوین رچرڈز اور ان کی ماضی کی گرل فرینڈ بھارتی اداکارہ نینا گپتا کی بیٹی ہیں۔
ویوین رچرڈز اور نینا گپتا کی کہانی 80 کی دہائی میں بالی ووڈ کی مقبول ترین کہانیوں میں شمار ہوتی ہے۔ ویوین رچرڈز 80 کی دہائی میں دنیا کے مقبول ترین کرکٹر تھے۔ بھارتی اداکارہ نینا گپتا ان کی دیوانی تھیں، ویوین میچ کھیلنے بھارت پہنچے تو نینا نے ان سے ملاقات کی اور محبت کا بھی اظہار کر دیا، ویوین بھی نینا کی لمبی زلفوں کے اسیر ہو گئے اور یوں دونوں کچھ عرصہ ایک ساتھ بھی رہے۔ اسی دوران ان کی بیٹی ہوئی جس کا ناما مسابا رکھا گیا۔ ویوین اور نیتا کے تعلقات زیادہ عرصہ قائم نہ رہے، یوں دونوں نے شادی نہ کی اور علیحدہ ہو گئے۔ نینا گپتا نے 2008 میں امریکہ میں رہائش پذیر بھارتی چارٹرڈ اکاؤنٹنٹ ویویک مہرہ سے شادی کی ۔
نینا اور ویوین کی بیٹی مسابا ممبئی میں ہی رہائش پذیر ہیں اور فیشن ڈیزائنر ہیں۔ انہوں نے رواں سال جنوری میں بزنس مین مدھو مینتینا سے منگنی کی، ویوین اس منگنی کی تقریب میں تو شریک نہ ہو سکے لیکن انہوں نے اب پانی بیٹی سے وعدہ کیا ہے کہ وہ شادی کی تقریب کا حصہ ضرور بنیں گے۔ شادی کی تقریب نومبر میں ہو گی۔