ساہیوال(آئی این پی)پاکستان تحریک انصاف کے وائس چیئرمین شاہ محمود قریشی نے کہاکہ ہم ثبوت دیتے ہیں،تم خط پر خط دیتے ہو،کیوں نہ قطرخط لکھ دوں،چٹھی میاں جی کے نام لکھ دو،پانامہ کیس اپنے آخری مراحل میں ہے،دودھ کا دودھ اور پانی کا پانی ہونے والاہے،تحریک انصاف کرپٹ حکمرانوں کا ڈٹ کر مقابلہ کریگی،

تحریک انصاف شرافت کی سیاست کی قائل ہے۔اتوار کو ساہیوال میں جلسے سے خطاب کرتے ہوئے شاہ محمود قریشی نے کہاکہ عابد شیر علی کہتے ہیں عمران خان اور میں اس کے ریڈار پر آگئے ہیں،عابد شیر علی دیکھیں کہیں آپ تحریک انصاف کے ریڈار پر نہ آجائیں،عابد شیرعلی ہمارے ریڈار پر آگئے تو سونامی بہاکرلے جائے گا۔انہوں نے کہاکہ ہم ثبوت دیتے ہیں،تم خط پر خط دیتے ہو،کیوں نہ قطرخط لکھ دوں،چٹھی میاں جی کے نام لکھ دو،خواجہ آصف کہتے ہیں پی ٹی آئی والے اسمبلی میں کیسے بیٹھے ہیں،خواجہ آصف نے سپیکر سے کہا میں انہیں رکن مانتا ہی نہیں،بڑے میاں تو بڑے میاں چھوٹے میاں سبحان اللہ۔شاہ محمود قریشی نے کہاکہ پانامہ کیس اپنے آخری مراحل میں ہے،دودھ کا دودھ اور پانی کا پانی ہونے والاہے،تحریک انصاف کرپٹ حکمرانوں کا ڈٹ کر مقابلہ کریگی،تحریک انصاف شرافت کی سیاست کی قائل ہے