ہالی ووڈ (نیوز ڈیسک) والٹ ڈزنی پکچر ز کے تحت بننے والی پریوں کی مشہور کہانی پر مبنی نئی رومانٹک فینٹسی ڈرامہ فلم سینڈریلا کا نیا کلپ منظر عام پر آگیا ہے۔ کینتھ برانا گت کی ہدایتکاری میں بننے والی یہ فلم بچوں کی مشہور فیری ٹیل سینڈریلا کے ایلا نامی مرکزی کردار کے گرد گھوم رہی ہے ‘جسے اسکی سوتیلی ماں ظلم و ستم کا نشانہ بناتے ہوئے گھر کے کام کاج کرواتی ہے ‘ تاہم ایک روز اسکی مدد کیلئے ایک پری آتی ہے جو اسے ایک دلکش جادوئی جوتا دیتی ہے۔ اس جادوئی جوتے کو پہن کر ایلا پر قسمت کی دیوی مہربان ہو جاتی ہے ‘اس کی دنیا ہی بدل کر رہ جاتی ہے ۔ پریوں کی اس مشہور کہانی کوڈیوڈ بیرون اور سائمن کن برگ نے مشترکہ طور پر پروڈیوس کیا ہے جبکہ فلم کے ڈائیلاگ مختلف کرداروں کیلئے نامور ہالی ووڈ اداکاروں للی جیمز ‘رچرڈ میڈن‘ کیٹ بلینچٹ‘ ہلینا‘ہالیڈے گرینجر اورہیلے ایٹ ویل کی آوازوں میں ریکارڈ کئے گئے ہیں۔ والٹ ڈزنی اسٹوڈیوز اور مون پکچرز کے تحت ڈرامہ ‘ایڈونچر اور فینٹسی سے بھر پور یہ فلم 15مارچ کو سینما گھروں میں دھم مچانے آرہی ہے