لاہور(نیوز ڈیسک) جوا خانہ اسکینڈل منظر عام پر آنے کے بعد قومی ٹیم کے چیف سلیکٹر معین خان پہلی بار چیئرمین پی سی بی شہریار خان سے ملاقات کی جس میں جواخانے جانے کے سیکیڈل پر چیف سلیکٹر نے شہریارخان کو تفصیلی آگاہ کیا۔ذرائع کے مطابق چیف سلیکٹر معین خان پی سی بی ہیڈکوارٹر پہنچے جہاں انہوں نے چیئرمین شہریار خان سے ملاقات کی اور انہیں جوا خانے اسکینڈل سے متعلق تفصیلات سے آگاہ کیا۔ ذرائع کے مطابق ملاقات کے دوران معین خان نے چیئرمین پی سی بی کو یقین دلایا کہ وہ جوا خانے صرف کھانا کھانے گئے تھے تاہم انہیں اس کا علم نہ تھا کہ اسے اتنا اچھالا جائے گا۔بعد میں میڈیا سے گفتگو کرتے ہوئے پاکستان کرکٹ بورڈ کے چیئرمین شہریار خان نے کہا ہے کہ کیسینو جانے کے معاملے پر معین خان نے اپنی غلطی تسلیم کرلی، جس کے بعد معاملہ ختم کردیاگیا ہے،معین خان واپس آسٹریلیانہیں جارہے تاہم وہ چیف سلیکٹرکے عہدے پربرقرار رہیں گے۔ چیئرمین پی سی بی کا کہنا تھا کہ ملاقات میںمعین خان سے کیسینومعاملے کی وضاحت طلب کی گئی۔ چیف سلیکٹرمعین خان نے ملاقات کے دوران بتایا کہ وہ بیگم کے ساتھ کھانا کھانے کیسینو گئے تھے۔ شہریار خان نے بتایا کہ معین خان نے تسلیم کیا کہ کیسینومیں کھانا کھانا ان کی غلطی تھی۔ شہریار خان کا کہنا تھا کہ ہم سمجھتے ہیں کہ معین خان نے ضابطہ اخلاق کی کوئی خلاف ورزی نہیں کی،معاملے پرتفتیش کے دوران کوئی چیز سامنے نہیں آئی۔ چیئرمین پی سی بی نے کہا کہ آسٹریلیا کے اکثرریسٹورنٹس میں کیسینوہوتا ہے۔