اسلام آباد(مانیٹرنگ ڈیسک )پی ٹی آئی نے وفاقی حکومت کوایک طرف طرف دھرنادینے کااعلان کرکے اوردوسری طرف حکومت کوموجودہ بحران سے نکلنے کاموقع دینے کی ایک تجویزدیدی ہے ۔تحریک انصاف نے حکومت سے کہاہے کہ وہ پاناماپیپرلیکس کے حوالے سے 2نومبرکے دھرنے سے قبل جوڈیشل کمیشن کےلئے قانون جلدازجلد منظورکرلے ۔پاکستان تحریک انصاف کے رہنماشاہ محمود قریشی نے ایک نجی ٹی وی چینل سے گفتگوکرتے ہوئے کہاہے کہ نوازحکومت کے پاس اب بھی وقت ہے کہ وہ حالات مزیدخراب کرنے کی بجائے پارلیمنٹ کامشترکہ اجلاس طلب کرکے پانامالیکس کے حوالے سے اپوزیشن کے تیارکردہ بل کوقانون کی شکل دے دے
۔انہوں نے کہاکہ حکومت اس سلسلے میں حالات کوخرابی سے بچانے کےلئے صدارتی آرڈیننس بھی جاری کراسکتی ہے لیکن اس میں حکومت
اپوزیشن جماعتوں کی جانب سے متفقہ طور پر پیش کردہ ٹی او آرز کے تحت انکوائری کمیشن قائم کرے اس صورت میں ہی دھرناختم ہوسکتاہے ۔

موضوعات:تحریک انصاف