اسلام آباد(مانیٹرنگ ڈیسک) اسلام آباد میں بنی گالہ کے اطراف صورتحال کشیدہ رہی، پولیس نےعمران خان کی رہائش گاہ کے باہرپی ٹی آئی کارکنوں پر لاٹھی چارج کیاجبکہ متعدد افراد کو گرفتار بھی کرلیا گیاجب ورکرز باہرڈنڈے کھارہے تھے توپی ٹی آئی کی لیڈرشپ اندرکھانے کھارہی تھی ۔جمعہ کے روزپولیس نے کئی مرتبہ کارکنوں پرلاٹھی چارج کیااورمتعدد کارکنوں کوگرفتارکرلیاجبکہ ان کارکنوںکاساتھ دینے کےلئے کوئی بھی تحریک انصاف کارہنمابنی گالہ سے باہرنہیں نکلا۔
جبکہ دوسری طرف عوامی مسلم لیگ کے سربراہ شیخ رشید نے سارادن دوشہروں کی پولیس کوچکمادے کرکمیٹی چوک میں اپنے ورکروں کے پاس پہنچ گئے لیکن تحریک انصاف کے رہنمابنی گالہ کے بیئرئرزتک بھی نہ آسکے صرف عمران خان پریس کانفرنس کےلئےبنی گالہ میں اپنی رہائش گاہ سے باہرآئے توایک درجن سے زائد تحریک انصاف کےرہنماان کے ہمراہ تھے جوعمران خان کی پریس کانفرنس کے بعد وہ بھی واپس بنی گالہ میں عمران خان کے گھرچلے گئے ۔اس وقت بھی پولیس کارکنوں کی گرفتاریاں اورڈنڈے برسانے میں مصروف ہے لیکن کسی بھی تحریک انصاف کے رہنمانے ان کاساتھ دینے کےلئے باہرآنامناسب نہیں سمجھا۔
