اسلام آباد(مانیٹرنگ ڈیسک )چیرمین تحریک انصاف عمران خان نے کہاہے کہ میری 20سال کی سیاست کاتجربہ ہے کہ 2نومبرکووہ ہونے والاہے جوکہ پاکستان کی تاریخ میں نہیں ہوگا۔ایک نجی ٹی وی سے گفتگوکرتے ہوئے عمران خان نے کہاکہ حکمران کرپشن بھی کریں اورپکڑے بھی نہ جائیں ا ورہم احتجاج کاجموری حق استعمال کریں اورڈنڈے بھی کھائیں ۔انہوں نے کہاکہ یہ ہوہی نہیں سکتا۔انہوں نے کہاکہ میں اورمیرے کارکنان اورعوام بھیڑبکریاں نہیں ہیں ۔انہوں نے کہاکہ میں احتجاج کی تمام تفصیلات نہیں بتاسکتالیکن اتناضروربتادوں کہ ایک طرف پارٹی کارکنان ہونگے اوردوسر ی طرف پولیس ،انہوں نے کہاکہ میں پنجاب پولیس سے کہتاہوں کہ وہ قانو ن کے تحت اپناکام کریں ۔عمران خا ن نے کہاکہ آگرکے پی کے کی پولیس ہوتی توایسی  صورتحال میں وہ ردعمل نہ دیتی جوکہ پنجاب پولیس کی طرف سے دینے کاخدشہ ہے ۔عمران خان نے کہاکہ اگرمیں گرفتاربھی ہوگیاتواحتجاج پرکوئی اثرنہیں پڑے گا۔پارٹی کارکنان اپنامشن جاری رکھیں گے ۔