ممبئی(نیوز ڈیسک) بھارت کے مشہور فلمساز مہیش بھٹ کی بیٹی اور سال 2014ءکی کامیاب خوبرو نوجوان اداکارہ عالیہ بھٹ نئی آنے والی فلم ”اڑتا پنجاب “ میں ایک ہاکی کی کھلاڑی کا کردار ادا کر رہی ہیں۔ اس فلم میں ان کے مقابل ہیرو اداکار شاہد کپور ہوں گے۔شوبز اطلاعات کے مطابق ان دنوں وہ فلم میں عمدہ پرفارمنس دینے کیلیے ہاکی کھیلنے کی ٹریننگ بھی لے رہی ہیں۔ اداکارہ کے ایک قریبی ذرائع کا کہنا ہے کہ ان دنوں عالیہ بھٹ ہر صبح ہاکی کھیلنے کی ٹریننگ لے رہی ہیں اور یہ سلسلہ گزشتہ دو ہفتوں سے جاری ہے اور عالیہ نے صبح کا وقت اس لیے رکھا ہے تاکہ وہ ہاکی کھیلتے ہوئے ہر کسی کی نظروں میں نہ آجائیں۔واضح رہے کہ فروری میں عالیہ بھٹ نے انسٹاگرام پر اپنی ایک تصویر جاری کی تھی جس میں وہ ہاکی پکڑے ہوئے کھڑی تھیں اور اس تصویر کا انھوں نے کیپشن بھی ”مائی نیو فرینڈ “ لکھا تھا۔