نیوز ڈیسک :بھارتی ہدایتکار مہیش بھٹ اپنی مشہور فلم ڈیڈی کو پاکستان میں اسٹیج ڈرامے کے طور پر پیش کرنے جارہے ہیں۔انیس سو نواسی کی مشہور زمانہ فلم ڈیڈی کے ذریعے بالی ووڈ میں قدم رکھا تھا۔ فلم کی کہانی باپ اور بیٹی کے رشتے کے گرد گھومتی تھی۔ جسے انتہائی خوبصورت انداز میں بڑی اسکرین پر پیش کیاتھااور اب خبریں گرم ہیں کہ اس شاہکار فلم کو لاہور میں تھیٹرکیاجارہاہے۔ جس کے پریمیئر کے لیے مہیش بھٹ اور پوجا بھٹ 12 مارچ سے شروع ہونے والے ناپا انٹرنیشنل تھیٹر فیسٹیول میں شرکت کے لیے اپنے اسٹیج پلے”ڈیڈی“ کے ساتھ کراچی پہنچ رہے ہیں۔انڈیا ٹوڈے کی رپورٹ کے مطابق وہ 1989ء میں اسی نام سے ایک فلم بھی ڈائریکٹ کرچکے ہیں جس میں اداکاری سے پوجا بھٹ نے اپنے فلمی کیریئر کا آغاز کیا تھا لیکن اب ” ڈیڈی “ کراچی میں اسٹیج ہونے والا ہے۔پوجا بھٹ نے اپنے ایک ٹوئیٹ میں بتایا کہ اس ڈرامے کے مرکزی کردار میں دہلی سے تعلق رکھنے والے اداکار عمران زاہد کاسٹ ہیں جب کہ عمران زاہد اسٹیج ڈرامہ میں فلم ”ڈیڈی “ میں انوپم کھیر والا کردار پیش کریں گے۔ ناپا ری پیٹری تھیٹر کے آرٹسٹک ڈائریکٹرزین احمدکے مطابق مختلف ملکوں کے جانے پہچانے تھیٹر آرٹسٹس فیسٹیول میں اپنا فن پیش کریں گے۔