اسلام آباد (نیوز ڈیسک) وفاقی حکومت نے ستمبر 2026 کے لیے پیٹرولیم مصنوعات کے نئے نرخ جاری کردیئے ہیں،
جس کے تحت پیٹرول کی قیمت میں معمولی اضافہ جبکہ ڈیزل سستا کردیا گیا ہے۔حکومت کی جانب سے جاری نوٹیفکیشن کے مطابق ہائی اسپیڈ ڈیزل کی قیمت میں ایک روپے 3 پیسے فی لیٹر کمی کی گئی ہے۔ کمی کے بعد ڈیزل کی نئی قیمت 370 روپے 41 پیسے فی لیٹر مقرر ہوگئی ہے۔دوسری جانب پیٹرول کے نرخ میں 77 پیسے فی لیٹر اضافہ کردیا گیا ہے،
جس کے بعد پیٹرول کی فی لیٹر قیمت 342 روپے 79 پیسے تک پہنچ گئی ہے۔نوٹیفکیشن کے مطابق پیٹرولیم مصنوعات کی یہ نئی قیمتیں یکم ستمبر 2026 سے نافذ العمل ہوں گی۔یوں حکومت کے تازہ فیصلے کے نتیجے میں عوام کو ڈیزل کی قیمت میں معمولی ریلیف ملے گا، جبکہ پیٹرول استعمال کرنے والے صارفین کو فی لیٹر کچھ اضافی رقم ادا کرنا ہوگی۔
