اسلام آباد (نیوز ڈیسک)پاکستان رینجرز (پنجاب) نے مختلف آسامیوں پر نئی بھرتیوں کے لیے ملک بھر سے نوجوانوں سے درخواستیں طلب کرلی ہیں۔
جاری تفصیلات کے مطابق سپاہی جنرل ڈیوٹی کی مجموعی طور پر 964 نشستیں خالی ہیں، جن پر اہل امیدواروں کا انتخاب کیا جائے گا۔ان آسامیوں کے لیے پاکستان کے کسی بھی حصے سے تعلق رکھنے والے نوجوان درخواست دے سکتے ہیں۔ منتخب امیدواروں کو مقررہ ماہانہ تنخواہ کے علاوہ راشن الاؤنس اور وفاقی حکومت کے قواعد کے مطابق دیگر منظور شدہ مراعات بھی فراہم کی جائیں گی۔بھرتی کے لیے مقررہ کوٹے کے تحت 72 نشستیں اوپن میرٹ پر رکھی گئی ہیں، جبکہ پنجاب کے امیدواروں کے لیے 50 فیصد یعنی 482 نشستیں مختص کی گئی ہیں۔ باقی آسامیوں پر سندھ (شہری و دیہی)، خیبرپختونخوا، بلوچستان، سابق فاٹا، گلگت بلتستان اور آزاد کشمیر سے تعلق رکھنے والے امیدوار درخواست دے سکیں گے۔بھرتی کے مجموعی عمل میں 5 فیصد کوٹہ اقلیتی امیدواروں کے لیے بھی مختص کیا گیا ہے۔
درخواست جمع کرانے کا طریقہخواہشمند امیدوار پاکستان رینجرز (پنجاب) کی ویب سائٹ کے ذریعے آن لائن رجسٹریشن کرا سکتے ہیں۔ درخواستیں جمع کرانے کا مرحلہ 17 اگست سے 26 اگست 2026 تک جاری رہے گا۔آن لائن رجسٹریشن مکمل ہونے کے بعد امیدواروں کو اپنی منتخب کردہ رجسٹریشن سینٹر پر مقررہ تاریخ کو صبح 8 بجے پہنچنا ہوگا۔ امیدواروں کی ابتدائی جانچ کے دوران طبی معائنہ، جسمانی ٹیسٹ اور تحریری امتحان لیا جائے گا۔امیدواروں کو ہدایت کی گئی ہے کہ وہ آن لائن رجسٹریشن سلپ پر درج تاریخ، وقت اور رجسٹریشن سینٹر کی تفصیلات کو ضرور چیک کریں اور مقررہ وقت پر تمام ضروری دستاویزات کے ساتھ مرکز پر پہنچیں۔
PAKISTAN RANGERS PUNJAB JOBS
ٹوٹل سیٹیں： 964
پورے پاکستان سے اپلائی کرسکتے ہیں
آخری تاریخ：26 اگست 2026 pic.twitter.com/OHFk7Zbxft— DTE PUNJAB DSD (@DsdDte) August 22, 2026
