اسلام آباد (این این آئی) وفاقی حکومت نے پاسپورٹ دفاتر کے اوقات کار میں اضافہ کردیا۔

ملک کے 8بڑے علاقائی پاسپورٹ دفاتر اب ڈبل شفٹ میں کام کریں گے اور رات 12بجے تک کھلے رہیں گے۔ نوٹیفکیشن کے مطابق ملک کے 8بڑے علاقائی پاسپورٹ دفاتر میں پیر سے جمعہ دو شفٹوں میں کام ہوگا۔ پہلی شفٹ صبح 8بجے سے شام 4بجے تک جبکہ دوسری شفٹ شام 4بجے سے رات 12بجے تک ہوگی۔ڈبل شفٹ پالیسی کا اطلاق 20اگست 2026سے ہوچکا ہے، اقدام کا مقصد شہریوں کو پاسپورٹ سے متعلق سہولیات کیلئے اضافی اوقات میں خدمات کی فراہمی یقینی بنانا ہے۔