اسلام آباد (نیوذ ڈ یسک)ملک بھر میں سونے کی قیمت میں آج نمایاں اضافہ ریکارڈ کیا گیا ہے،

جس کے بعد فی تولہ سونا مزید مہنگا ہوگیا۔آل پاکستان جیمز اینڈ جیولرز ایسوسی ایشن کے جاری کردہ اعداد و شمار کے مطابق فی تولہ سونے کی قیمت میں 13 ہزار 700 روپے کا بڑا اضافہ ہوا، جس کے بعد اس کی قیمت بڑھ کر 4 لاکھ 71 ہزار 936 روپے تک پہنچ گئی۔اسی طرح 10 گرام سونے کی قیمت میں بھی 11 ہزار 746 روپے کا اضافہ ریکارڈ کیا گیا، جس کے بعد 10 گرام سونا 4 لاکھ 4 ہزار 609 روپے میں فروخت ہونے لگا۔عالمی مارکیٹ میں بھی سونے کی قیمت میں نمایاں تیزی دیکھی گئی۔

بین الاقوامی بلین مارکیٹ میں سونے کی فی اونس قیمت 137 ڈالر اضافے کے بعد 4 ہزار 495 ڈالر کی سطح پر پہنچ گئی ہے۔ملکی اور عالمی مارکیٹ میں سونے کے بھاؤ میں اضافے کے باعث مقامی سطح پر بھی قیمتی دھات کی قیمتوں میں بڑا اضافہ سامنے آیا ہے۔