خیرپور (این این آئی)ڈسٹرکٹ پولیس آفیسر خیبر وقار احمد نے پولیس افسران و جوانوں کی جانب سے سوشل میڈیا پلیٹ فارمز کے استعمال سے متعلق نئی ہدایات جاری کر دی ہیں۔
مراسلے میں ڈی پی او خیبر نے واضح کیا کہ پولیس افسران و جوان کسی بھی قسم کی ذاتی تشہیر، غیر سرکاری سرگرمی یا کسی مقصد کیلئے پولیس یونیفارم میں تصاویر، ویڈیوز یا دیگر مواد سوشل میڈیا پر اپ لوڈ یا شیئر نہیں کریں گے۔مراسلے کے مطابق پولیس یونیفارم سرکاری حیثیت کی نمائندگی کرتا ہے، اس لیے یونیفارم میں سوشل میڈیا پر ایسی سرگرمیوں کی تشہیر سے گریز کیا جائے جو سرکاری فرائض سے متعلق نہ ہوں۔
ڈی پی او خیبر نے تمام افسران و اہلکاروں کو ہدایت کی ہے کہ ان احکامات پر سختی سے عملدرآمد یقینی بنایا جائے اور پولیس یونیفارم کے تقدس، وقار اور سرکاری حیثیت کا ہر صورت خیال رکھا جائے،19اگست 2026 کو ڈی پی او خیبر کی جانب سے جاری مراسلے کی نقول متعلقہ پولیس حکام کو بھی ارسال کردی گئی ہیں۔
